Aizawl November 30, 2022 : Zo Re-unification Organisation (ZORO) chuan Mizoram district ṭhenkhata Deputy Commissioner (DC) te thupeka Block Development Officer (BDO)  ten chhiarpui neihna tur VC hrang hrang hnenah order an siam a, chhiarpui neih tur order chu an pawm theih loh thu thuchhuah an siam.

Thuchhuah-ah hian heng hnam - 1. Man (Tai speaking), 2. Garo, 3. Khasi - Jaintia, 4. Hajong, 5. Naga & Dimasa, 6. Chorei, 7. Simte, 8. Zou, 9. Zomi, 10. Neihsial, 11. Ranglong leh 12. Thado awm zat chhiarpui nei tura tih an ni a, hei hi ZORO chuan an hriatthiam loh thu an tarlang a ni.

ZORO chuang, "He'ng chhiar tur zinga mi No. 6 atanga 12 thleng hian Zohnahthlak vek an ni a, hetia kan unaute a hrana chhiar tumna hi engvanga neih tum nge an nih tih Mizoram sawrkar hian a chhan mipui hnenah sawifiah ngei turin kan ngen a ni. Kan Zohnahthlak unaute a hranpa a chhinchhiah tum an ni hi ZORO chuan ngaihthat thlak loh hlein a hria a, kan Zohnahthlak unau, Mizoram chhunga cheng te enhran an ni hi ZORO chuan tha lo a ti takzet a ni," an ti. 

"Zohnahthlak te chhiarpui neihna tura DC thenkhatin order an siam hi ennawn a siamtha leh turin sawrkar kan ngen a ni," an ti bawk.