Aizawl July 10, 2023 : ZORO chuan Manipur State thla 2 chuang a buai hnu, Meitei leh Zofate inkara indona thlenga mi tam tak an thih a, hliam tam tak an awm hnu pawh India sorkarin chuan beng a chhung ngawt an ti a, hei hi hrethiam lovin July 12-a Vanapa Hall-a punkhawm an buatsaih hunah Prime Minister Narendra Modi, Manipur Chief Minister Biren Singh leh David Thiek lu tantu te lim hal an tum.

Prime Minister lim hal tum chunchangah hian ti lo turin thurawn an dawn thu ZORO hruaitute chuan an sawi a, mahse, committee in a lo rel tawh avangin kaltlangpui an tum thu an sawi. 

ZORO chuan buaina ching fel tur ni awm taka Para Militaray Force leh Army engemaw zat te chu Manipur Chief Minister Biren Singh-a'n thuhnuaiah a dah a, Zofate rawt chimih tumtu ber Biren Singh thu neihna hnuaia Manipur a awm reng hi Zotate tan a him hlawl lo, an ti. 

Sorkar auh ei nan leh Manipur-a buaina hmeh mih a nih thuai theih nan hian ZORO chuan July 12 (Nilaini) chhun dara 12-hian "Manipura kan Unau te Tawrhpuina Punkhawm" an huaihawt dawn tih an sawi. Punkhawmn aah hian Zofa zawng zawng Manipur unaute tawrhna tuarpuitute zawng zawng chu tel vek turin an sawm a ni.