May 31, 2022; Zo Re-unification Orgamisation (ZORO) chuan Manipur sawrkarin tlangrama khawsa Zohnahthlak te ram laksak a tumna chu an duh lo hle tih an sawi.

Vawiin chhun khan Aizawl Press Club-ah thuthar thehdarhtute kawmin Manipur state a Zofa, hmasang atanga helai hmun lo luah hmasatute chenna chu Manipur sawrkarin finrawl chhuahin reserved forest ah a puang niin an sawi a. Hetianga Zofate ram nek hi ZORO chuan a tawp thlengin a do dawn niin an sawi.

Zoro hruaitute chuan Manipur state zawng zawng zinga 70% vel chu tlang mite chenna a ni tiin 30% vel luahtu Meitei te chuan finrawl chhuahin tlang mite chenna hmun chu chhuhsak an tum nia sawiin Zofate chanvo chhuahsak chu an remti ngai dawn lo a ni tiin hemi kawnga a hmalatu ber chu Chief Minister N.Birendra Singh nia an hriat thu an sawi bawk.