Aizawl August 21, 2023 : Vawiin khan Mizo Hnam Runah chhung inkhawm neih a ni a. Political session-a thusawitu ZPM PAC member hlui Phairothanga chuan ZPM-a a awm lai khan boruak kang hleka an ngaihah an phur thar ta hluai thin a ti a, ZPM-ah kalphung thar lai ber an ngaihtuah ho thin niin a sawi.

Phairothanga chuan ZPM-in '30 point vision' an neih chu khawiah nge an dah tak tih zawtin, "Kalphung thar an tih hi ZPM-a kan awm lai khan eng ber nge tih kan ngaihtuah ho thin a, kan ziak teuh a, Chawlhhmun lam hrilhfiah turin kan dah a, a ziak thui ta lutuk a, research wing-in an chulmam hnu pawhin a hrilhfiahna an la hre lo," tiin, a zirtirtu pa ber hian ZPM hi a chhuahsan leh mai ang tih a hlauh pui thu a sawi. 

Thalaite hian politics an ngaihven thin chu thil thar a ni lo tih sawiin, "Thalaite hi bawl mai mai leh hmuh hniam chi an ni lo a. Thalaite bawl kuala hmanruaa hman tum party chu an hlawhchham fo a. Thalaite hmangaihtu leh thalaite hma khaw sialtu MNF bawk hi an sorkar leh ngei ang. Policy chu danglam thei a ni a, a danglam zel a, a thang thei bawk. Kalphung pangngai a awm a, kalphung nghet leh dik chauh a tlo thin," a ti.