August 19, 2023; "ZPM hi an duhthusam ramah an cheng a, anmahni leh an thil tih mek thlir ila, kalphung tha lam engmah a awm lo," MNF party chuan an ti.

Vawiin a thuthar thehdarhtute an kawmna ah MNF publicity board GS VL Krosshnehzova chuan, kawng tam takah an kalphung thar hi kalphung hlui aiin a chhe zawk a, an sawrkar lo chung pawhin party mi bil an invulh nasa hle a, dan pel hialin an kal duh niin a sawi.

Aizawl North II bialtu Dr. Vanlalthlana'n a fund hi veng aiawh tura mipui thlan Local Council te kutah a dah mang lo tih sawi bawkin, Local Council te kuta a dah chhan pawh ZPM unit leh thlaiten an thawk tlang niin a sawi.

"MLA fund hi party in an thawh phal a nih loh laiin, ZPM deuh hlir a thawh tir a, Aizawl North Development Agency din chawpin, party mite a vur hem hem mai a ni," VL Krosshnehzova chuan a ti bawk.