Aizawl July 11, 2023 : ZPM Thalai chuan MNF sawrkar hnuaiah sum siamna atana zirna in sak a ni thin an ti a, vawiin khan Govt. Mizoram Law College sak měk chu a hmunah kalin an en dik a, Govt. Mizoram Law College sak měk chu MNF sawrkärna a tawp hma ngela tha taka sa zo ngei turin MNF sawrkår an phut tih an sawi. A changtu minister sawifiah turin an phut bawk.

Zirna in saka hetiang thil a thleng chuZPM Thalai chuan an ngai thu tak hle an ti a, zirna pawngsualna-ah an ngaih thu leh zirna in leh a kaihhnawih sakte ZPM Thalai chuan uluk takin a chhui zui zel tu thu leh, thil fel lo a awm chuan a mawhphurtute'n hremna na tak an dawn theihna turin na takin hma a la zel dawn an ti. Govt. Mizoram Law College sak měk chu MNF sawrkärna a tawp hma ngela tha taka sa zo ngei turin MNF sawrkår an phut tih an sawi.

Ni 11.7.2023 hian Mizoram Law College sak mékah ZPM Thalai chuan punkhawm tawi an buatsaih a, he punkhawm buatsaih a nih chhan hi Mizorama Law College a neih chhun ngaihthah a ni chu rilru a na a, ram ro hlu asset hlu ber 'zirna' ngaihthah a ni chu pawi an tiin, a duh lo takzet a ni tih lantirna a nih thu an sawi.

Govt Mizoram Law College sak mek hi May 4, 2020 atanga chhiar tana thla 20 chhúnga sak zawh tur a nih laiin, tun thlengin hna chanve pawh zawh a la ni lo, ZPM Thalai chuan an ti a, chutih laia Rs nuai 117.96 a satute hnenah pek chhuah a ni tawh, an ti a, engineer-in a vil mumal lo chu thil fel lo tak a ni, an ti bawk. ZPM Thalai chuan, "'Pathian leh kan ram tan,' titute sawrkärna hnuaia thil thleng atan chuan thil zahthläk tawpkhawk-ah kan ngai a ni," an ti.

ZPM Thalai chuan, "Govt. Mizoram Law College satu Sky Ridge Construction & Consultancy Services hian RUSA 2.0, component 9: Infrastructure Grants to College hnuaia hna 35 awmah hna 15 zet restricted tender hmangin an thawk a, thil rinhlelhawm tak inphumru a awm ngeiin kan ring tlat a, he Sky Ridge Construction & Consultancy Services phenah hian a changtu Minister Dr. R.Lalthangliana hian man tang a ei ve 'em ni? tih hi kan zawhna a ni a, a department chanpual hnuaia hna chhe lutukte hi sawifiah thuai turin a changtu minister Dr. R.Lalthangliana kan phut ttat a ni," an ti.