L. Muanawman hi kum 15 a nihin Racket te hawh chawpin Mizoram U-19-ah a champion chho ta mai a. Kum 1999-ah kum 19 mi a nihin Mens-ah a champion chho zui leh ta mai a. Mizoram badminton Association hotuten junior-ah chuan khel tawh lo mai rawh tiin an ngen a, midang tan a kian ta a ni. Kum 20 a nihin Mizoram Mens No. 1 a ni. Pathian zarah Mens champion a ni chho zel a, MPRO-ah Mizoram sawrkarin hna tha tak a pe a, tun thlengin a la thawk a ni.

L. Muanawma hi Junior-a a khelh laiin India camp-ah vawi 2 koh a ni. vawikhat phei chu Tokyo-ah India Junior team atan koh a ni nghe nghe a, Bangalore lamah a tap chawt thin a ni.

Mizoram bikah chuan Mens singles-ah vawi 46 zet a champion tawh a ni. Tichuan North East state-ah hian singles-ah vawi 3 a champion a, Mens double-ah vawi 6 a champion tawh bawk a ni. Muanawma hi kum 35 category-ah All India-ah vawi 2-a champion a, tum hnih runners-up a ni bawk a ni.

L. Muanawma hi Masters (veteran) Badminton World Championship, South Korea-a khel turin a invaw tling. Younex Sunrise 45th Indian Masters (Veteran) National Badminton Championship 2022-2023, Goa-a an khelh khan India ram hmun hrang hrang atangin Shuttler mi 2300 chuang lai an tel a ni. 

L. Muanawma Hlimen chuan Mens Singles 40+ Quarter final-ah Hardik Parikh chu 21-11, 21-10 a hnehin semi-final a lut a, India seeded No. 2 ArupBeidy a hneh leh a, tichuan 40+ final ah hian Kerala pa seeded No. 1 Antony chu 21-18 22-20 a hneh lehin Mizoram tana champion lalukhum a rawn hawn leh a ni.

Keini Hlimen khaw mipui chuan kan veng infiammi Lalmuanawm hi a chhuanawm kan ti a, India tam Badminton thiam ramah hetiang chamapion thei fova a awm hi kan lawmpuiin kan chhuang em em a ni.