Pi Pawngi chanchin la chhunzawm zel ka tum. Engvang taka Aizawl khawpui mai baka Mizo District-in Pi Pawngi heti khawpa an ngaihsan tih hre chhuak zo tawh mah suh ila, a ngai pawimawhtute - Pi Pawngi Memorial Committee-a Office Bearer-te hi khatih hun laia Mizo mi langsar ber ber - Pu Pachhunga (P & Sons), Pu R.Buchhawna (Sap-te, K.Zosanga pa), Sainghinga, Head Cleak, Bawrhsap pisa, Pu P.S.Dahrawk, Chhinga Veng, Pastor Chhuahkhama, Pu Ch.Pasena, Pu Laldailoa, Head Clerk, Civil Surgeon office te an nih atang mai bakah Midwife (Nau chhar thiam) ve mai a ni a, ni 15-5-1934 a Kulikawna boral, a thih hnu thla ruk dawn lai - 15-10-1934 a Kulikawn Presbyterian kohhran biak in, 1925 atanga neih tawha sun loa, khatih laia Mizoram Presbyterian kohhran Biak Inpui, Mission Vengah kher kher sunna inkhawm an buatsaih tih hian Pi Pawngi Mizo mipui tana a tangkaizia leh miin an hlutzia hi hre chhuak kilhkelh thei tawh lo mah ila, he sunna inkhawm an neih hian a pawimawh a ni tih chu a tilang hlein ka hria. Chu bakah, a fa upate pahnih hming pawh Pi Pawngi hnathawh chu a hril hle a ni. A upa ber KHAWTINTHANGA a ni, a dawt leh chu KHAWZAMUANI a ni. Khawzamuani hming hi, Rahsi Veng Upa Thanga (Kohhran hla lar No. 343 - ‘Aw, Lalpa chungnung ber kan fak hle a che’ tih phuahtu) sak a ni an ti nghe nghe. Heti tak maia kan pi leh puten, tu huatthu ni suh se, Midwife ve mai bawk, kohhran lamah nihna chuti taka pawimawh a neih pawh hriat loh, biak inpuiah hial, hmeichhia lehnghal, sunna inkhawm an nei hi, CHAWIMAWI TLAK a nihzia tilangtu a ni phawt mai. Tuna, hetia ka’n ngaihtuah vang vang pawh hian, kohhran lama pawimawhna pawh nei lo, hmeichhia lehnghal kohhran biak ina sunna inkhawm an neihpui tak hi Mizoram huapah pawh, kei tehlul hi chuan a hriat pawh ka la hre ngai lo. Mipui tan a pawimawhin a hlu a ni tih hi ka ring ve tawp mai a ni. (Extracts from Mizo leh Vai chanchinbu August 1936) Pi Pawngi hriatrengna Thla hluia kan rawn ziak tawh kha in lo hmu hlawm ang a, Pi Pawngi hriatrengna ngaihtuah pawl (committee)-te chuan Civil Surgeon kal ta, Dr. Gloria chu vawi khat chu an rawn tawh a, ani chuan a lo ngaisang hle mai a, an thil tumte pawh thil tangkai leh thil mamawh tak a ni tih a lo hriatpui em em mai a, chuvang chuan a hlawhtlin theihna hram turzia a ngaihtuah dan kawng thenkhatte pawh a sawi a. Mahse kan thawhlawmte a tlem deuh si avangin a ngaihtuahzia chu a harsa a ti hle a. Amaherawhchu heti hian a ti a, ‘Red Cross Society hmunpui lam ata Jubilee thawhlawm kha Maternity Ward siam nan tangka 2000/- lai kan dil mek a ni a, chu chu eng zat nge an phal dawn kan la hre lo va. Chumi chanchin a lo thlen hunah remchang pawh a awm mahna,’ a ti a. Mahse, amah kha a kal a lo hun ta a, engmah hre loin a kal ta a. Ani kal ta mah sela kan hotute a tha zawk hlei hlei an la awm reng a ni a, engkim min la ngaihtuahsak zel ang tih kan beisei em em a ni. Pi Pawngi, keini Mizo hnam rethei tak zinga thil kawng khata mi hmasa ber leh hmeichhe tangkai ber nia kan lo ruat leh kan lo sun em em kha, henglaia kan sapte leh kan hotute pawh hian min ngaihsanpui em emin kan ring a ni. Amaherawhchu Mizo kan pachhiat em avangin engmah tih theih kan nei lo; englo tih tur pawimawh awm mah sela kan Sapte leh kan sawrkarte puihna tel lo chuan keimahni ngawt chuan thil tetakte pawh kan puitlin zo lo a ni. Chuvangin kan Pi Pawngi hriatrengna chungchangah pawh hian anmahniho ngawt kan hmachhuan chu a ni mai a ni. Thawhlawm thawhtute hi en ula, kan thian vai Babute ho pawh tlawm an ngaihzia chu a lang mai a ni a. Keimahni Mizo fa ngawt tan a harsatzia a lang a ni - tin, Pi Pawngi kha mi tinin a-zo-a-vai sawi lovin kan ngai pawimawh em em bawk a ni. Thawhlawm list, Pu Sainghinga leh Pu Dura khawn:- Rs. Anna Pai 1. Babu Jogesh Chandra Misra, H.C., C.S. Office, Aizawl 2 0 0 2. Mr. A Kevichusa, B.A., SDC, Aijal 5 0 0 (Pu Lalhema makpa, Dawrpui) 3. Pu RC Dass, Supervisor, PWD 15 0 0 4. Khan Sahib Dewan Ahmed Ali, Overseer, PWD 6 0 0 5. Babu Abinash Chandra Pal, H.C., Comdt. office 3 0 0 6. Babu Abani Ranjan Sen Gupta, 1 8 0 Supdt’s office (Bawrhsap Office) 7. Babu SN Biswas, Agri, Instructor, Aijal 1 0 0 8. Pu L.Kailuia Sailo, B.A. (Reiek lal, Lalluaia fapa) 2 0 0 9. Pu Lalsailoa Sailo, Kelsih lal 3 0 0 10. Mohd. Azizur Rahman, Tailor 1 0 0 11. Babu PC Bhattacherjee, SO, PWD 1 0 0 12. Babu SC Dam, HC and Acct PWD 1 0 0 13. Babu Inder Singh, Contractor, Aijal 10 0 0 (Charanjit Singh-a pa, Babutlang hnai zawk) 14. Mr. R.Buchhawna, BA, SDC (Zarkawt, Zomawia pa) 5 0 0 15. Babu DC Dhar, Cashier, PWD 1 0 0 16. Babu ML Bhowmick, Post Master, Aijal 2 0 0 17. Babu Tibakanta Sarma, Acct. Comdt’s Office 2 0 0 18. Singha. Mohurer 0 4 0 19. Pu Rualkhuma, Sub Overseer, PWD 2 0 0 20. Babu UC Paul, Hd. Master, BB School 1 0 0 21. P.S.Dahrawk (Brig. T.Sailo puzawn) 5 0 0 22. Chhunruma (Dawrpui) 1 0 0 23. Saihnuna Sailo, Chief of Mualcheng 1 0 0 24. Sainghinga, Head Clerk (Zarkawt) 4 0 0 25. Lalchana ASI Police 0 2 0 26. Kaichunga ASI, Police 0 4 0 (Pu K.Thangzuala, Secy & Commr PWD (Retd) pa) 27. Vansuaka, Constable 0 8 0 28. Thangkhuma 0 2 0 29. Lala, Constable 0 2 0 30. Gonosiam Domai, Constable 0 1 0 31. Thangvela I, Constable 0 1 0 32. Dengkunga, Constable 0 8 0 33. Thangvela II, Constable 0 1 0 34. Luaia, Constable 0 2 0 35. Sombaru Ram, Constable 0 4 0 36. Mambolong, Constable 0 1 0 37. Durra Chawngthu, Constable 2 0 0 38. Babu RK Deb, Sub Overseer, PWD 1 0 0 Total Rs. 81 0 0 List I Pu Laldailova & Pathiauva Rs. 111 6 0 Grand Total Rs. 192 6 0 Tlem tlemin kan la rawn chhunzawm zel ang, vawi khatah ziak chhuah vek sen a ni lo, hmunin a daih lo vang tih pawh a hlauhawm thin a. P.S.Dahrawk, Secretary Pachhunga, Treasurer Pi Pawngi Memorial Committee