DOWNLOAD OUR APP

Read latest news on your phone
app-store
2018-19 ah HIV+ 2557 hmuchhuak ‘HIV nasa zawka do tun leh tun a kan mamawh ber’ - MSACS
Dec 01, 2019

Aizawl: Kum 2018-2019 chhungin Mizoramah mihring 44649 thisen exam a ni a, HIV positive 2557 hmuhchhuah a ni. MSACS Project Director Dr. Lalthlengliani chuan nasa lehzual zawkin HIV/AIDS an do dawn tih sawiin tun leh tuna do a ngaih thu a sawi.

Zalen palaiin a kawmna ah Mizoram State AIDS Control Society (MSACS) Project Director Dr. Lalthlengliani chuan Mizoram chu India ramah HIV/AIDS hluarna ber a ni tih a sawi a. "HIV laka mipui te an himnan leh kai thar an awm lohna turin nasa takin tan kan la a. Ram hruaitu (political leader), kohhran leh tlawmngai pawl (civil socities) te thawhpuiah sawmin nasa lehzualin hmalak kan tum a ni," a ti. Dr. Thlengi chuan HIV vei tura ngaih high risk group ni thin chu mi nawlpui (general population) ah a lut tawh tih sawiin, "HIV laka invenna tha ber chu fimkhur a ni a, mimal tin kan fimkhur a, kan nun kan uluk hi kan himna a ni," a ti bawk.

MSACS Project Director chuan Mizorama HIV inkaina tam ber chu sex a ni tih sawiin kohhran leh khawtlanga inhmang tak tak pawh a ruka midang kawp an awm thin a, chung mite atang chuan an kawppui te ah kaiin pawisawilo an faten an kai phah ve leh thin niin a sawi bawk.

Mizoram State AIDS Control Society chhinchhiah danin Mizoramah HIV positive 17897 hmuhchhuah an ni tawh a, an zinga 11828 hi mipa an ni a, hmeichhia 6069 an awm bawk. HIV positive zingah thalai, hnathawk thei rual an tam ber a, kum 25-34 inkar HIV positive 7585 awmin hei hi a vei zawng zawng atanga chhutin 42.38% a tling a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh