Aizawl: Kum 2022-23 chhungin Aizawl Zoological Park (Aizawl Sahuan) tlawh mi 72,245 an awm a. Sum hmuh zawng zawng Rs. 12,03,120 a ni.

Range Officer Aizawl Zoological Park hnen atanga ZALEN thudawn danin, kum kal ta chhunga sahuan tlawhtute hi puitling (kum 10 chung lam) mi 48,828 leh naupang (kum 10 hnuai) 23,417 an ni a. Sahuan tlawhtute luh man, motor parking leh camera ken luh man atanga sum hmuh zawng zawng Rs.  12,03,120 chu sawrkar sumah chhun luh a ni.

Aizawl Sahuan hi kar tin Thawhtanni atanga Inrinni thleng mipuite tlawh theih tura hawn thin a ni a, Pathianniah erawh khar a ni.

National Zoological Park, New Delhi-a zawng hmaisen (stump tailed macaque) pair li (4) pekna tur leh anni hnen atanga sava chi khat, silver pheasant) pair thum lak phalna Central Zoo Authority (CZA) atangin tun hnaiah an hmu leh tawh bawk.