Aizawl; Nikum 2022 chhung khan Aizawl khawpui chhungah lirthei dan bawhchhia 18,359 man an awm a, an pawisa chawi Rs. 82,61,600 a tling. Lirthei dan bawhchhiatna thleng zingah lirthei hun/dah phallohna a dah an tam ber.

Aizawl traffic police hotute hnen atanga ZALEN thudawn danin, nikum January thla chhung khan dan bawhchhia lirthei 1,408 man awmin, an pawisa chawi zat Rs. 5,29,800 a tling. February ah lirthei 1,264 manin, an pawisa chawi Rs. 4,49,200 a ni.

March ah lirthei 1,777 man awmin, an pawisa chawi Rs. 5,76,300, April ah lirthei 1,907 man in, an pawisa chawi Rs. 6,26,000 a ni. May ah lirthei 1,338 man awmin, an pawisa chawi Rs. 3,87,800 a tling a, June ah lirthei dan bawhchhia 1,310 manin, an pawisa chawi Rs. 4,00,500 a ni.

July-ah lirthei 1,990 manin, an pawisa chawi Rs. 5,76,500 a tling a. August-ah lirthei 1,899 man awmin, an pawisa chawi Rs. 5,05,100 a ni a. September-ah lirthei 1,789 manin, an pawisa chawi Rs. 12,75,500 a tling.

October-ah lirthei 1,286 man awmin, an pawisa chawi Rs.10,00,000 a ni a; November-ah lirthei 1,139 manin, an pawisa chawi Rs. 9,60,300 a tling a, December-ah lirthei 1,252 man awmin, an pawisa chawi Rs. 9,74,600 a tling. 

Nikum chhunga dan bawhchhia an man tam zualte chu lirthei hun/dah phal lohnaa dah te, driving lisence keng lova lirthei khalh te, luh phal loh huna a lirthei kal avanga dan bawhchhia te, rui chunga lirthei khalh leh signal leh thupek zawm lova motor khalh te an ni.

Bawhchhiatna tam ber NO PARKING

Aizawl Traffic : Dan bawhchhia
Kum    Man zat    Chawi zat
2020    11,092    Rs. 43,82,250
2021    10,027    Rs. 34,03,100
2022    18,359    Rs. 82,61,600