Aizawl September 8, 2022 : MPYCC chuan Mizoram Legislative Assembly Session neih meka Congress Legislature Party Leader, Zodintluanga'n Rural Development Department changtu Minister Lalruatkima a zawhna, Border Area Development Programme (BADP) sum hman chungchang chu sawifiah turin an phut.

Congress Thalai chuan, Mizoramin khawvel ramdang ramri a neihna hmun tih hmasawnna, BADP hnuaia hnathawh sum hmanna hlep khawnge a awm, tia CLP Leader-in Assembly House-a RD Minister a zawhna a sawi zau naah, "BADP hna hi BDO, EE Directorate te hi a thawktu an ni thla vek mai a, henga pawisa hlep te hi khawnge a awm tak, Official level-a lar em em Mr. 25 percent-a tih te a ni a, henga pawisa hlep te hi Official atanga la letin engtin nge kan hman?" tiin, BADP atana kum 2019 hnu lama sum kan hmuh cheng nuai 8077.55 hlep kha eng account-ah nge an dah? tiin a zawt.

Congress chuan heng zawhna te hi RD Minister hian Assembly House-ah chhanna mumal tak pakhat mah a nei lo, an ti a, RD Minister hian BADP hnuaia hna lo kal te, EE Directorate leh BDO te a thawhtir atang hian 25 percent chu a lo hauh reng em? Hnathawh atanga hlep te hi khawiah nge a awm? A hlep hi engtia hman nge a nih tih kan zawt nawn a, hna atanga 25 percent kal ralna hi rang taka mipui hriata puanzar kan phut a ni, an ti.