Aizawl June 14, 2023 : Vawiin khan Aizawl leh Mizoram hmun hrang hranga in zar pharh, 2nd Battalion Assam Riffle hotu lu Commandant, Col. Mukesh Sauhta leh Aizawl town Commander, Maj. Ashish Rawat te chuan naktuk YMA Day vawi 88-na pualin Central YMA Pisa, Tuikhuahtlang-ah YMA Day Chibai an buk a, YMA Day Cake a bika siam an hlan bawk.

Assam Rifle hotute hi Central YMA President R. Lalngheta hovin, Office Bearers dangte leh CEC member thenkhat ten an lo dawngsawng a a ni. Assam Riffle thilpek lo dawngin, President Ngheta chuan Assam Riffle tena YMA Day an hriatsak chu lawmawm a tih thu leh YMA Member 473872 aiawhin lawmthu a hrilh. AR hotute hian CYMA-in a mikhual raltlante an tlawh bawk a ni.

Col. Mukesh Sauhta hian Central YMA Hall-a Central YMA ten an buatsaih Manipur atanga Raltlan te tana Transit Camp an buatsaih chu a tlawh nghal a. Raltlante thu leh hla ngaihthlak sakin YMA Day pualin tanpuina an pek tur lthu a hrilh a ni.