DOWNLOAD OUR APP

Read latest news on your phone
app-store

32 KV Power Sub Station Melriat-ah eng pawh thleng se sawrkar mawh a ni ang - Melriat VC & NGO

Aug 11, 2022

Melriat VC leh NGO te chuan August 10, 2022 zan khan Joint Committtee neiin Power & Electricity Department hnuaia 132 KV Power Sub Station Melriat atanga Power dawng tur a tih, tun thlenga pek an la ni lo chu lungawithlak loh an ih thu thuchhuah an siam a, Power & Electricity Dept. Minister hnenah an lungawilohna hi ziakin an thlen a, an resolution an pe tel bawk.

Aizawl August 11, 2022 : Melriat VC leh NGO te chuan August 10, 2022 zan khan Joint Committtee neiin Power & Electricity Department hnuaia 132 KV Power Sub Station Melriat atanga Power dawng tur a tih, tun thlenga pek an la ni lo chu lungawithlak loh an ih thu thuchhuah an siam a, Power & Electricity Dept. Minister hnenah an lungawilohna hi ziakin an thlen a, an resolution an pe tel bawk. 

Melriat VC leh NGO te chuan, 'Kan lungawi lohna te min hriatthiam saka kan mammawh te a rang thei ang bera min tihhlawhtlin sak ngei kan beisei," tiin Minister-ah hian ngenna an siam. VC leh NGO, 10.08.2022 zana Joint Meeting chuan August, 2022 ral hma a ban leh hrui awm sa vek tawh 11Kv atanga power supply min pe thei lo a nih chuan he power Sub Station ah hian eng pawh thleng se, sawrkar leh department mawh a ni ang, tiin an resolution-ah hian an tarlang.

Melriat VC leh NGO chuan, "132 KV Power Sub Station hi Melriat khawtlangin ram a pek avanga August 2006 ah hnathawh tan a ni a. Hna thawh tan a nih atanga kum 10 ral hnu dt. 14.12.2016 @ 2:00 pm ah hawn a ni. He Power Sub Station atanga power hmuh theih nan hian khawtlang hruaitute pawhin vawi tam tak nawr tawhin sawrkar Department lam pawhin power pe turin min tawng tiam tawh thin. Hetianga in tawngtiam reng chunga tun thleng (10.08.2022) a power min la pe lo hi Melriat mipui chuan thinrimthlak kan ti hle," an ti.

Share now