ZALEN October 31, 2024 : Vawiin ni 30.10.2024 Ningani khan Ramhlun Sports Complex field-ah 7th Mizoram State Tug of War Championship neih a ni a, Lalramsanga Sailo, Secretary, Sports & Youth Services in a hawng.

Hawnna thu sawiin khuallian chuan, "Mitin hian infiam leh insawizawi kan mamawh vek a, taksa insawizawi that loh chuan natna in min tlakbuak hma bakah ruihhlo dona atan thil pawimawh tak a ni," a ti a. Tug of War games chu Mizote khelh chi tak nia a hriat thu a sawi bawk.

Tun tum championship ah hian Aizawl district chu team champion niin lawmnan atan tropy, medal leh tangkafai Rs. 60,000 an dawng a, pahnihna Kolasib district in tropy, medal leh tangkafai Rs. 40,000 an dawng a ni. A tel dang ten participation prize an dawng vek bawk.

Mizoram Tug of War hian tum engemaw zat national level ah infiammi lo tir tawhin gold medal pawh tum 3 an la tawh a ni.