Aizawl: MNF Adviser leh Ex MLA ni bawk, Col. Lalrawnliana chuan, “A dumpawl hawn hnuah Zoramin zalenna a suam chhunzawm zel,” tih a sawi.

Nimin khan Aizawl Press Club-ah chanchinbumite kawmin Col. Lalrawnliana chuan, “Tunlaiin Zoramin zalenna a sual laia tel ziktluak ve ta lo, ‘A Dumpawl’ tia vuah zinga mi thenkhatin, anmahni zalenna sualtute zing atanga  an tlan bo hnuah ‘MNF kal zelte khan Zalenna an sual tawh lo,’ tiin dawt an sawi a ni,” a ti. 

Col. Rawna chuan a dumpawl an hawn hnu khan zalenna hi an sual chhunzawm tih sawiin, “A dumpawlho kha an tlan bo avangin zalenna sual thu hi an hre lo a, thu awmze nei lo an sawi mai mai,” a ti a. “Zalenna hi inkahhai lai lo chuan Mizoram sawrkar hian a sual a, an thu hretu chu  India leh Mizo mipuite an ni,” tiin, “Zalenna an sual lo titute hi kan sawrkarin zalenna sual tlak loa an mante kha an ni a, an thu sawi ram mipui tan pawm tlak a ni lo,” a ti bawk.

Col. Lalrawnliana chuan zalenna an sual lo titute hian an mualpho leh hmingchhiat thup nan hetiang hi an sawi mai mai nia a hriat thu sawiin, “Zalenna an sual lo titute hi Remnaah khan hawng ve se, heng thu hi an sawi an sawi hauhin a rinawm loh a ni,” a ti bawk.