May 31, 2023; A fanu kum 14 mi pawngsual a vawi tam tak chetsual pui thin tu kum 46 mi chu chu Special judge ( POCSO Act) Aizawl District Court Vanlalenmawia chuan kum 12 hrehawm taka tang tur leh Rs. 5,000 chawi turin a hrem.

Vawiin khan hremna puangin, a fanu pawngsualtu thiam loh chantir chu kum 12 chhung lung ina tang tur a hrem a ni a, Rs. 5000 a pek loh chuan ni 25 chhung lung in a tan belh ang.

Tarlan tawhin, Special judge ( POCSO Act) Aizawl District Court chuan May 29 khan thiamloh a lo chantir tawh a, court thuchhuak a tarlan a nih danin, a fanu kum 14 mi chu 5.8.2013 khan ramhnuai an thingphurhna ah a pawngsual a, a hnuah raiin, kum 2015 September thla khan a fanu chuan a pa fa chu a hring a ni.

A pa chuan kum 2018 thlengin a chetsualpui thin a, a pawngsual hnuhnun ber chu August 2018 ni a hriat a ni. Ni 22.11.2018 khan a nuin Police Station pakhat-ah FIR thehlutin thubuai siam sak a ni a, vawiin khan Special Judge, POCSO Act leh District & Sessions Judge ni bawk chuan thuhretute a koh hnuin thiam loh a chantir a, a tan ni atangin bail phal a la ni lo.