ZALEN May 28, 2025; Kolasib veng pakhata kohhran hmeichhe hruaitu hnen atangin heroin an man.

Hemi chungchang hi social media-ah a darh a, heroin an man sak neitu hi jail-ah dahluh a nih thu pawh social media lamah chuan tarlan a ni.

Hemi chungchang hi ZALEN chuan a chhui chiang a, Kolasib Excise thawktute hnen atanga thu dawn danin, Kolasib veng pakhat a kohhran hmeichhe hruaitu pakhat chuan a fapa heroin ti thin tana a lei sak a ni a, heroin hi a to dawn tih thuthang a awm avangin an fapa tan hian a lei sak a ni.

Excise thawktute chuan heroin zuar an chhuina atangin he nu hian a lei tih an hriat chu an bawhzui a, an va man dawn pawhin a thil lak chhan chu a lo hrilhfiah nghal a, a thusawi hi a dik ngei pawha an hriat thu an sawi a ni. Heroin hi an fapa hnenah tlem te te a pek tum a ni a, tlema tam tham deuha an lei sak chu man a tawk leh ta si a ni.

(Heroin an man sak, kohhranah pawh inhmang tak hian an fapa tan tiin zah pawh dawn loin heroin hi a lei tihna a ni a, a dinhmun hi a khawngaih thlak hle. He thil thleng hi social media lamah a darh avangin chiang zawkin kan rawn tarlang a ni e.)