ZALEN July 28, 2025; Pathianni (27.7.25) zing kar a thi Lalchhuanawma (39), Mission Vengthlang thihna chungchangah police ten a nupui Lalremruati an man a, he thihnaah hian a inhnamhnawih ngei tih police te hnenah a inpuang tawh.

Thudawn danin, he thihna thleng chung changah hian thu zawhfiah turin mi pahnih police in an la a, pakhat zawk chu inhnamhnawihna a nei lo nia hriat a nih vangin chhuah a ni.

Hetihlai hian police in an man pakhat zawk, a nupui chu thu zawhfiah chhunzawm niin, police te hnenah a inhnamhnawih ngei tih a in puang tawh a, he thu ziahlai hian central jail-ah dah luh a ni tawh.

Lalchhuanawma thihna chungchangah hian a chhung ten nimin khan police-ah FIR an thehlut a, nimin vek khan chawhnu dar 3 khan Lalchhuanawma ruang chu postmortem a nih hnuah vuiliam a ni.

#ZalenNews