ZALEN July 29, 2025 : ZPM Spokesperson K. Laltluangkima chuan Dr. K. Beichhua, MLA-in, "MUHCS laimu atan ABPMJAY rinchhanin he Health Care hi siam a ni a tih tunah chuan kan chiang tawh a," a tih chu a ni lo a ti a, MUCHS chu ABMJAY laimin emaw a kungpui ber a ni lova, a zar peng tiin sawi ta zawk ila a dik zawk a ti.

ABPMJAY ai chuan MUHCS hian a huam zau zawk a, MUCHS hi chuan Mizoram khua leh tui dik tak a huam vek a, ABPMYAY hi chuan 2011 a mirethei an thlan te leh RSBY 2018 leh NFSA (ration card eng leh pawl neite) chhungkuate chauh a huam a ni a ti a. A bak inziahluh theih a ni tawh lo. Hemi china awm te chauh ahi a huam a ni a ti. Hemi hnuaia Golden card neitute chuan private empanelled firm khatih lai khan Aizawl-ah chuan Damdawi In 2 chuah an nei a, pakhat chu mit lam enne a ni leh nghal a ti bawk.

MUHCS hnuaiah hi chuan Damdawi in tam tak network hnuaih an rawn inziak lut tawh a, an la lut zel ang a, a la pung zel dawn bawk a, a zau zawk a, a kungpui zawk, a laimu zawk chu MUHCS hi a ni. Golden card neitute tan a thlawna inentir theihn leh inadmit theih Hospital a tlem a, a hranpa a sum sen belh a ngai hnem a ni. MUCHS hnuaiah chuan Golden card neitu ABPMJAY hnuaia minkha kha a thlawn vekin pawm nghal an ni a, Insuarance dangah inziahluh a ngai tawh lo, a hahdam thlak a, a lo thlawna sum an lo senna a umbo a ni a ti bawk.

ZPM thupuangtu chuan ZPM sawrkar kum 1 leh a chanve chauhvin MUHCS bul a tan thei hi hlawhtlinna nasa tak a ni a. Private Hospital hovin an rawn zawm zel turah a ngai a, a lehlamah chuan an rawn zawm zung zung lo te pawh Pathian remruat zawt ni tlat a hriat thu a sawi a. A chhan chu sawrkar damdawi in ho hian nasa takin hma a sawn phah a, hei hi sawrkar hmasa ho zawng zawng tih theih lo a ni a, Minister leh a Deptartment te hi an thawk tha a ni, a ti.