ZALEN Feb 11, 2025; College a zirtirtu hna hmu thar, Nl. T Lalawmpuii (29), Lunglei Venglai chu accident vangin a boral.

Lunglei Venglai Branch YMA hruaitute hnen atanga ZALEN thudawn danin, Nl T Lalawmpuii d/o T Lalmuanawma (L) hi nizan dar 10 rik hma deuh khan an in chhuah lam varandah-ah chesualin a tla palh a, a tlakna hi a sang ang reng viau a, rang takin Civil Hospital, Lunglei panpui nimahse, damdawiin thlenpui a nih chuan a boral tawh a ni.

Vanduaina tawka boral ta Nl. T Lalawmpuii hian tunhnai maiah Lunglei JB College-ah zirtirtu hna a hmu thar a, a hna thar a zawm hmain vanduaina hi a tawk a ni.

Nizan khan a ruang tlaivarpui niin, vawiin chhun dar 12-ah bialtu pastor Rev. K Lalbiakchhawnan a vui ang.