Milar kan tihte pawh hian a taka hmuh chak tak tak an nei ve thin a, chung hun an tawn changte chuan nuam an tiin an hlim thin hle. English siger Adele pawh hian America actor Dwayne 'The Rock' Johnson chu a tak a lo hmu chak ve ngang a niang, Grammy Award sem zawh takah khan an intawng a, a tap lo chauh. 

Kum 34 mi Adele hian December 2021 khan The Rock a hmuh chak thu leh, a thleng dik a nih ngai chuan a tah hial a rin thu a lo sawi chhuak tawh - ngaisang ve vet vet tak chu a ni. A duhthusam leh suangtuah thin ngei mai chu Grammy Award sem zawh takah khan a thleng a, an hlim dun kher mai. 

Grammy host Trevor Noah chu Adele awmna lamah kalin, British singer hian American actor a hmuh chak thin thu te chu a sawi hmasa te te a. Tichuan mipui zing atang chuan The Rock chu a lo chhuak a, Adele thutna lam chu a va pan ta a ni. Adele hi a ding thuai a, a hmelah hlimna leh lawmna hmuh hmaih theih a ni lo. An inkuah a, sap chibaiin an inchibai - mipuiin kut an beng a, an hlim kher mai. 

Adele chuan, "Naupang ka nih lai chuan wrestling ka ngaina thin hle," tiin a sawi a, The Rock chevel a lo en nasa ve thin hle a ni awm e - naupan lai atanga a lo ngaihsan thin a tak ngeia a tawng ta chu a suanagtuahna thleng dik a nih thu uar takin a sawi.