Aizawl February 5, 2024 : Mizoram Gov't Provisional Adhoc School Association te chuan Mizoram Sorkarin hun rei tak khawtlangin an lo enkawl tawh Lumpsum School thenkhat Council of Ministeer thukhawmin 27.09.2023-a Provisional Adhoc Satus-a an hlankai te dinhmun chu a taka function ngei theihna tura thuchhuah siam an nghakhlel thu an sawi.

Provisional Adhoc Status-a hlangkai an ni chu khawtlang leh school zirtirtute an lawm thu an sawi a, tun sawrkara Education Minister pawhin takin kalpui chhunzawm zel tur a nih thu a sawi tiin lawmawm an ti a, an harsatnate hrereng chunga ruahmanna a siam-ah an lawm a, thinlung takin a chungah lawmthu an sawi.

Hetihrual hian sawrkarin a lo ruahman angin April 1, 2024 atanga hman tan theih tura thuchhuah chiangkuang tak leh felfai tak sawrkar hian min siamsak thuai an beisei. Khawtlang mipuite leh zirlai nu leh pate hian tun dinhmunah nghakhlel takin an thlir mek an ti a, a taka function ngei tura sawrkar thuchhuah hi an nghakhlel takzet tih an sawi a ni.

Mizoram Gov't Provisional Adhoc School Association te chuan kum 20 chuang khawtlangin a lo enkawl tawh leh zirtirtute pawh kum 10 bak service nei tawh lo thahnem tak an awm tih an sawi a, sorkar hian an dinhmun leh harsatnate hriatsak a, dik tak leh fel taka April 1, 2024-a function hman ngei tura hma laksak ngei turin an ngen a ni.

Mizoram Government Provisional Adhoc School Association member-te leh khawtlangte mangang lo tur leh sawrkar leh zirlaite tana harsatna thlen thei zawnga hma la lo turin an inngen bawk.