ZALEN June 10, 2025; National Health Mission (NHM) hnuaia hna hrang hrang pasarih lakah, Advertisement chhuah a nih loh bakah, DP&AR(ARW) OM- Guidelines for engagement of co-terminus (contract or provisional or otherwise) employees under Centrally Sponsored Scheme/Central Sector Scheme/Externally Aided Projects, etc, 2021 tlawhchhan miah loa lak a nih avangin, MZP chuan cancel turin sawrkar a ngen a. MZP ngenna angin nimin June ni 9, 2025 khan heng hna lakte hi sut a ni. 

MZP ngenna ngai pawimawh a Health & Family Welfare Dept. in an hna lak tawh an sut leh hi MZP chuan lawmawm a ti hle a. Health Minister Lalrinpuii pawhin, Press Conference meuh neia MZP duhdan anga sut a nih tur thu a sawi hi a puitlin thlak hlein MZP-in a hria a, lawmthu a sawi.

National Health Mission (NHM) hnuaia post 7; Lab. Technician- 3, Staff Nurse- 2, Asst. Data Manager-1 leh Executive Asst.- 1 te hi Advertisement tello a lak nia MZP in a hriat avangin, June ni 3, 2025 (Thawhlehni) khan Emergency meeting a ko a. He hnalak hi June ni 10, 2025 ral hma ngeia cancel turin sawrkar a lo a ngen tawh a ni.

#ZalenNews