DOWNLOAD OUR APP

Read latest news on your phone
app-store

Afghanistan lirnghingah mi 920 aia tlem lo an thi

Jun 22, 2022

Nizan khan lirnghing na takin Afghanistan a sawi a, mi 280 aia tlem lo an thi tih BBC chuan a tarlang. Lirnghing nat zawng hi magnitude 6.1 a ni a, building thahnem tak a tihchhiat bakah hliam tuar mi thahnem tak an awm bawk. Helicopter leh hmanraw dang hmangin chhanchhuah hna thawh nghal a ni a, mitthi ruang lakchhuah a nih bakah hliam tuarte damdawiin panpui an ni. 

Nizan khan lirnghing na takin Afghanistan a sawi a, mi 920 aia tlem lo an thi tih BBC chuan a tarlang. Lirnghing nat zawng hi magnitude 6.1 a ni a, building thahnem tak a tihchhiat bakah hliam tuar mi thahnem tak an awm bawk. Helicopter leh hmanraw dang hmangin chhanchhuah hna thawh nghal a ni a, mitthi ruang lakchhuah a nih bakah hliam tuarte damdawiin panpui an ni. 

Bakhtar News Agency tarlan dan chuan thi zat hi an pun chhoh rin a ni a, hliam na tak tuar pawh mi 600 vel an awm a ni. Lirnghing hi Khost chhim chhak lam kilometer 44 vel atanga intan a ni a, Paktika province-a district pali a sawi a ni. US Geological Survey chuan lirnghng hi magnitude 6.1 a na a nih thu leh, leichhung ril kilometer 51 atanga intan a nih thu an sawi. 

Lirnghing hi a chheh vel kilometer 500 bial Afghanistan, Pakistan leh India atang pawhin a hriat tih European Mediterranean Seismological Centre chuan an tarlang. Afghanistan khawpui Kabul bakah Pakistan khawpui Islamabad atang pawhin lirnghing hi a hriat a ni. 

Kum 10 liam ta chhung khan Afghanistan-ah hian lirnghing avangin mi 7,000 vel zetin nunna an chan a, kum tin mi 700 velin nunna an chan ziah anga chhut a ni. 

Share now