Aizawl: Animal Husbandry & Veterinary Minister Dr. K. Beichhua chuan Zirtawp tlai khan Siaha Meisatla-a Cattle Breeding Farm chei that hnathawh a hawng.

Dr.K. Beichhua chuan AH&Vety Department chu Siaha-ah Department hlun tak a ni tih sawiin, Aizawl, Lunglei leh Chhimtuipui District a nih laiin Siaha Vety Farm te pawh changtlung tak a ni thin, mahse chhan hrang hrang avangin rauhsan tep a ni tawh a ti a. Sorkarna an chan atangin theihtawp chhuahin a chei that hna thawh leh tawh a ni, a ti.

Dr. K. Beichhua chuan sorkar hna in mi zawng zawng a daih loh avangin Aizawl lamah chuan thalaiten ranvulh an uar chho tawh hle tih a sawi a, ei zawnna tlak leh hausakpui tham a ni tih sawiin, Siaha thalaite pawh mahni nu leh pate kuta dah mai lova ke pen tan turin a sawm.