Aizawl May 30, 2023 : Mizoram-a thei, pangpar leh thlai chi hrang hrang chingtute leh zuar thin te bakh thei leh thlai atanga eitur vawn that theih siam lama tui mite puala Horticulture Department-in kum 2012 atang a buatsaih thin Horticulture Fair chu vawiin khan Aizawl Club Park-ah neih tan leh a ni. Dy. CM. Tawnluia chuan Khuallian niin a hmanpui.

He hun hi Horticulture thlai leh chingtute leh zuar thin tan 'Buyers & sellers Meet' angin kalpui thin a ni, tunah chuan hetiang lam zuar te tan khawmpui lian a ni chho tawh.

Horticulture Fair hi kum tin für ruahtui tlak hma, thlai leh thei phun hun mil tura buatsaih thin niin May thla tawpah emaw, June thla tirah neih a ni ber thin a ni. 

Horticulture Department chuan kum tin he kut hi Kuthnathawktu ten hma an sawn a, an tawhrim rahte an hlawkpui theih nan kum 2012 atang khan Horti fair hi a buatsaih sak thin a ni. Horticulture lam chuan kum tin a chhimtu leh chhawrtu an tam tawlh tawlh niin an sawi. 2020 leh 2021-ah erawh Covid hri avangin he fair hi neih a ni lo a ni.

Kuin 2012 atangs 2023 chhung khan stall neitute hrallchhuah tawh zat hi Cheng 285,77,358/- a ni a, Kuminah hian stall - Pangpar 128, Thei tiak 26, Pot 8, Leitha 4, Mimal entrepreuner 5, State pawn pali, Department stall 2, A vaiin stall 177 a awm a ni.

Kumin Horti Fair 2023 neih turah hian State dang atagin Mau atanga thil siam zuar thin te stall nei tura sawn niin, stall pali an rawn hawng a ni. 

1. Beyond Terry Towels, Maharashtra, India

2. Bamboo and Cane Developmens fosilute (ICDD) 
C/O NECTAR (North East City of Telog Application and Reach)
Agartala Secretariat, Agartala, West Tripura 

3. National Institute of Design (NID), Beligaluru 

4. North East Cane and Bambeo Development Council (NECGDC) Under North Eastern Council (NEC), Burnihat, Assam

Horti Fair butsaih rual hian kum tina an tih thin angin, Best Horticulturs Farmer, District tin atanga thlanchhuah te chawimawina hun an hmang leh dawn bawk. 2023 atana District brang hanga Best Horticulture Farmer thlante s chu heng mite hi an ni.

SL. Best Horticulture Farmer   District
1.     C. Lainunmawia                  Aizawl
2.     Zohiningthanga                  Mamit
3.     Zakimi                                 Hnahthial
4.     C Lalrampara                      Champhai
5.     Hmingmawia                      Lunglei
6.     Lalmuansanga                    Lawngtlai
7.    Vanlalhruaia                         Saitual
8.     C. Lallura                             Kolasib
9.     Vanlalsiama                         Khawzawl
10.   Vanlalhluti                           Serchhip
11.   C. Beingiachhie                   Siaha