ZALEN July 10, 2024; Sawrkar hnathawk aikal la tam tak ten Mizoram sawrkar thuchhuak angin an hna an zawm mek nia thudawn a ni.

Sawrkar department hrang hrangah aikal la mi 3,365 an awm a, chung zinga tam tak chuan sawrkar thuchhuak angin an hna an zawm mek a, hemi chungchangah hian sawrkar department tin te an khauh hle nia thudawn a ni.

DP&AR chuan June ni 19, 2024 khan office memorandum ti chhuakin Mizoram sawrkar hnuaia thawk, aikal late chu ni 30 ral hmain an hna thawh chhunzawm turin a hriattir a, hna chhunzawm lo te chu chawl (unaothorised absence) ah ngaih an ni dawn.

Aikal late chu hriattirna chhuah atanga ni 30 chhungin an hnaah let vek tura hriattir an ni a, ni 30 chhung (July ni 19, 2024 ral hma) a mahni hna zawm lote chu dan loa chawl ah ngaih an ni dawn a, an chungah disciplinary action lak tur a ni.