Aizawl March 18, 2022 : Bharatiya Janata Party Central Schemes Monitoring & Vigillance Cell chuan Lengpui Airport hnathawh lai chim chu ni 15/3/2022  khan a hmunah an enfiah tih an sawi a. He thil thlenga mawhphurtu chu Finance leh PWD changtu Chief Minister Zoramthanga a ni. Lengpui Airport hnathawh lai chim hi India ram pum lakah a zahthlak, Mizoram mipuite tana thinrimthlak a ni, an ti.

Airport Cute siam tumna kawnga Iron & Steel Structure, Cement Concrete Ban, Beam, Slab awm tawhsa  bakah, bungraw hman tur thlenga mithiam ten an endik hma chu hna zawng zawng chawlhsan rih turin kan phut a ni.

BJP Mizoram chuan, "Airport leh Thlawhna Service hi sawrkar tana mipui sum khawhralna hautak tak a ni a, Central sorkar pawhin disinvestment/sumkhawhralna dector tiin mimal enkawl turin a dah deuh vek tawh a, State rethei Mizoram Sorkar in Lengpui Airport a enkawl pawh hi hlawkna nei lo a ni a, kum tin mipui chhiah pek tlingkhawm Budget atanga Rs 350 lakh (nuai zathum sawmnga ) khawhralna a ni a, ngaihtuahna fim tak hmanga ennawn tul a ni," an ti.

Central atana loan pek chungchanag sawiin BJP chuan, Covid-19 hripui leng avangin central sorkar chuan state tin mipuite ei leh bara harsatna an tawhna atanga chhanchhuahna tur Special Central Assistance hnuai ah a pung awm lo in State tin te loan min pe a. A hmanna tur pawh tinzawn sa neiin mipui dawmkanna tura hnathawh tur siam tam leh hnathawkte awlsamna tur siam sakna tur a ni. He Scheme hnuai ah ringawt pawh Central chuan Mizoram sorkar hnenah cheng nuaih 50000 a pe a. Hemi atang hian Lengpui Airport Cute siam nan cheng nuaih 5041 ruahman a ni a, Phullem phah, Hall sak, Police lal office building sakna etc. atana an hmang hi mipui mamawh hmasa ber ni lo leh thil tul hmasa rih lo a ni, an ti.