ZALEN March 18, 2025 : Aizawl DC Lalhriatpuia chuan vawiin khan thuchhuah a siam a, Local Council leh Village Council te chu Myanmar leh Bangladesh atanga rawn raltlante hnenah India mi anga lan theihna Identity Card emaw hriatpuina lehkha emaw pe lo turin a hriattir a ni.

He thuchhuah hi Mizoram Assembly session neih mekah raltlante chungchang hi ngaihven tura rawtna awm vanga ngaih a ni a, state sawrkar chu dan lova rawn lutte laka hmala tura nawrna awm vang nia ngaih a ni.

He thuchhuah (order) hian Myanmar leh Bangladesh atanga raltlante chu Indian khua leh tui ten an neih theih Voter ID cards, Aadhaar cards, Birth Certificates, Tribal Certificates, leh Residential Certificates te an nei thiang lo tih a ni.

Ministry of Home Affairs Secretary (Borner Management) atanga thu an dawn angin Young Mizo Association (YMA) hnuaia branch te chu raltlante hnena Indian identity neih theihna ang chi hriatpuina lehkha reng reng pechhuak lo tura tih an nih thu order-ah hian a chuang bawk a ni.