Aizawl : Manipur a zin mek Transport Minister T.J Lalnuntluanga chuan Zirtawpni khan Manipur Chief Minister N. Biren Singh chu Aizawl leh Lamka inkara MST bus service chungchang a sawi pui a, Manipur CM hian official te hma la turin a hrilh nghal. CM hmuhnaah hian TJ Lalnuntluanga hi Manipur Forest Minister Syam Kumar chuan a tawiawm a ni.

Chief Minister nena inbiakna an neih hnu hian Aizawl-Lamka Bus station tur te a en nghal a, Hmar People Convention (MPC) office-ah NGO hrang hrang te nen inkawm hona an nei nghal. He huna thu a sawi-naah Minister chuan, “Zofate luah chin rama Zofate hi Mizoram sorkar hian a hrereng che u a, Lamka-a Zohnathlakte pawh hi kan hrereng che u tih in hriat ka duh a,” tiin a chah a.

Chief Minister chuan Zohnahthlakte inkalpawhna tha neih leh kan inpumkhatna chu ngai pawimawhin bus service-tir pawh hi tha a tih thu leh Bus leina tur pawh a ruahmansak tawh bawk niin Minister TJ-a chuan a sawi bawk a ni.