Aizawl May 27, 2023 : Vawiina Aijal Club Conference Hall-a pawl pathum - Aizawl Mihlun thlahte, INTACH Mizoram Chapter leh Aizawl Hmathlir Pawl kalkhawm te chuan Assam Rifles ram chungchang leh Bawrhsap Pisa chungchangah a hnuaia mi ang hian thuchhuah an siam.

Kalkhawmte chuan Assam Rifle-in Aizawl khawpui laili lai leh a chhehvela an ram luah an chhuahsan fel vek hma chu henglai ram chhungah hian mimal leh sawrkarin kutthlak rih lo se an ti.

Aizawl Bawrhsap pisapui, vanduaithlak taka kang ta chu a hlui hmelhmang lan dan anga cheithat leh nise an ti a, Pawl pathum kalkhawmte chuan a tul ang zela hmala zui turin pawl pathum aiawhte telna working group an din nghal bawk.

Pawl pathum aiawh - John Rotluangliana, Vice Chairman, Aizawl Mihlun Thlahte ; Rin Sanga I.A.S Rtd. Convenor, INTACH Mizoram Chapter leh Lalbiakzama, Chairman, Aizawl Hmathlir te chuan an thutlukna te hi hming an ziahhnan a ni.