8February 6, 2024; Facebooker 'Tlangval U Hranga' invuah, Spa Jongte man tum danah dan palzut tumna awm nia hriain, zanin dar 7:30 vel atang khan MNF thalaite Aizawl Police Station-ah an pungkhawm.

Spa Jongte hi Medical Officer-in hriselna tha lo ‘unfit’ a tih hnuah thuneitu sang nawrna avangin endik tha leh tura tihna a awm nia an hriat avanga lungawi loin MNF thalaite hi an pungkhawm nia hriat a ni.

He thu ziah lai thlenga hriat theih chinah Spa Jongte hi zaninah medical test vawi thum neih niin, Civil Hospital, Aizawla ENT Ward-ah a dinhmun enfiah turin admit a ni ta nia thudawn a ni.

MNF thalaite hi mi 100 chuang an pungkhawm a, damdawi ina an admit fel a nih hnuah a tin darh zui a, buaina lian zawk thleng a awm lo nia thudawn a ni.

Spa Jongte hi MNF Gen. Hqrs-ah Joint Secretary ni lai a ni.