September 7, 2022; India rama sahuan ten ramsa inthleng tawn (Animal exchange programme) an kal pui thin angin, Aizawl sahuan a ramsa 15 te chu Indira Gandhi Zoological Park (IGZP), Vishakapatnam ah pek an ni.

Aizawl Sahuan thawktute hnen atanga ZALEN thudawn danin, heng ramsa la tur hian IGZP Vishakapatnam a thawktu mi 8 lokalin, nimin khan Aizawl sahuan an rawn thleng a, an ramsa lak turte Aizawl sahuan a Range Officer hovin sahuana thawktuten lo man fel sa vekin, bawm (cage) ah an lo dah hrang fel sa vek a, vawiin tlailam khan IGZP atanga rawn kalte bawm (cage) rawn ken-ah dah luh nghal an ni.

Heng ramsa te phur hian naktuk ah Aizawl sahuan chhuahsanin IGZP, Vishakpatnam an pan dawn a, ni 10 vel kal kawngah hun hmang tura beisei an ni.

IGZP a ramsa an neih zingah Aizawl sahuana dah ve theih tur ramsa mamawh a awm ve loh avangin tun tumah hian IGZP atangin ramsa lakluh a ni ve lo.

Nikum february khan Aizawl sahuan a ramsa 13 te chu India rama sahuan lian leh changtlung zawkte zing a mi, Nandankanan Zoological Park pek chhuah an lo ni tawh bawk.

1. Ramsa pek chhuah te:
2. Zawng hmaisen (pair 4)
3. Telpui (pair 2)
4. Savawm 1
5. Zo zawng (pair 1)
   - A vaiin ramsa 15