Implementation Unit (SIPMIU) chuan Bethlehem Vengthlang a Aizawl thli sawngbawlna chu hman theihin an peih tawh.

Zalen palai zawhna chhangin SIPMIU thawktu te chuan Aizawl khawpui chhuahlam veng 15 thli sawngbawlna tur 'sewerage treatment plant' chu a hman theih tawh tih an sawi a. An duh ang paihtu tur connection an la hmuh loh avang leh tui an neih tam tawk loh avangin a takin hna an la thawh tir lo mai chauh niin an sawi.

SIPMIU thawktu te sawi danin a taka hna thawk turin connection 3000 vel tal a ngai a ngai tih sawiin he plant ah hian nitin thli maktaduai 10 a thlifim thei dawn tih sawiin plant siam hna pawh zawh a ni tawh tih Zalen palai an hrilh a. Mi mal in atanga line zawmna tur pipe pawh an siam tawh tih sawiin mahse tum khatah zawm thup a ngaih avangin an duh ang connection an la hmu thei lo a, chuvangin a tak takin hna a la thawh theih loh niin an sawi.

Tuna plant an siam chu hriselna atan pawh a tha zawk dawn tih sawiin tuna mi thenkhat ten septic tank an siam chu septic lo a awm bakah tui luangral mai mai a tam avangin leimin a siam tam phah thin niin an sawi a. Septic tank a lut tur ek leh thli te hi Plant ah hian luhtir anih chuan leimin lakah a him bakah hriselna atan a tha zawk dawn niin an sawi bawk.

Sewerage treatment plant a sawngbawl tawh tui chu a tenawm tawh lo tih sawiin in atan chuan la sawngbawl leh deuh erawh a ngai dawn tih an sawi a. Tunah connection hi a thlawnin an pe a, nakinah chuan chawi a ngai ve tawh dawn niin Zalen an hrilh.