ZALEN July 20, 2023 : Vawiin khan AMRI Hospital chuan an corporate social responsibility kaltlangin Aizawl Traffic Police te hriselna an endik sak bakah an duty naa hman tur Nihliap an hlan.

Nihliap inhlanna leh hriselna endik sak hi Aizawl Police Station-a Traffic Police hmunah neih a ni a, IGP Lalbiakthanga Khiangte chuan a hmanpui. Health check up ah hian Hepatitis B leh C kai leh kai loh enfiah sak an nih bakah mahni hriselna vawn uluk kawnga hriat tur tul te inhrilh a ni a.

AMRI Group chief executive officer Rupak Barua chuan CSR hmang hian sawrkar hnuai leh pawl hrang hrang tan an luangchhuak thin thu a sawi a, hei hian inpawhna tha zawk leh hriselna vawn uluk kawngah mi a puih thin thu a sawi.

Naktuk July 21, 2023-ah AMRI Hospital-a senior Gastroenterologist Dr. Sanjay Basu chu a thlawnin Traffic Police-te hian an inentir thei bawk dawn a ni.