Aizawl: Tun hnaia Burma atanga dan lova ramsa lak luhte chu Aizawl Zoological Park-ah enkawl an ni a, heng ramsate hi dahna mumal a awm loh avangin an thi nasa nia thudawn a ni.

ZALEN thudawn danin dan lova Burma atanga ramsa lak luhte hi court thupek angin sahuanah hian dah zel an ni a. Thenkhat chu thi saa sahuan thlenpui an awm laiin sahuan thlenpui hnuah pawh thi thahnem tak an awm a, ramsa dahna hi siam chhoh mek niin tun dinhmunah ramsa lakluh hi 325 vel enkawl mek an ni.

ZALEN thudawnna chuan ramsa lak luhte hi a dahna siam sa a nih loh avangin a remchang ang angin dah an ni a. Ramsa chi hrang hrangte an nih avangin dahkhawm theih an ni lo va, tunlai hian a dahna tur siam mek niin hei hi zawh a nih hun chuan harsatna hi sutkian theih beisei a ni a. Hetih lai hian a chaw ah erawh buaina an nei lem lo niin an sawi.

Sahuan enkawltute chuan Burma atanga ramsa lak luhte chu an la hmuh ngai lohte an nih avangin enkawl pawh thiam har an ti hle niin ZALEN an hrilh a. Nungcha mante dahna bik (enclosure) an neih loh thu sawiin, “Enclosure bik kan nei loh avangin a remchan dan ang angin an dahna tur (cage) te siam chawpin tunah hian enkawl mek an ni,” an ti.

Burma atanga dan lova ramsa lakluh te hi Court thu angin dah zel a ni a, ramsate hi state danga pek chhuah a la awm lo a ni.