May 29, 2023; Aizawl Municipal Corporation (AMC) chuan fur laiin lei laih vanga chhiatna a thlen loh nan, kumin August atanga October thla chhung AMC huam chhungah lei laih leh leivung hmanga ruam/kawr chhun khah a khap leh dawn a. Thupek bawhchhiate dan anga hremna pek an ni ang.

Municipal Commissioner Lalremruata Kullai in notification a chhuah a tarlan a nih danin, regulation 10 of the AMC (Site Development & Slope Modification Regulations, 2017 in thuneihna a pek ang leh mipui him tlanna turin AMC chuan Aizawl Municipal Area ah August ni 1, 2023 atanga October ni 31, 2023 chhungin lei laih leh leivung hmanga ruam/kawr chhun khah a khap a, thupek bawhchhia te chu dan angin an chungah hremna lek a ni ang.

Khapna thupek bawhchhiate chu leivung an paih zat cubic meter azirin pawisa chawitir theih a ni a, cubic meter 500 hnuai lamah Rs 5,000, cu.m. 500-1000 inkarah Rs 10,000 leh cu.m. 10,000 chung lamah chuan Rs 5 zelin a pung a ni.