ZALEN Feb 25, 2025; Aizawl khawpui chhungah nitin lirthei che vel 85,000 vel a awm. Intlanchhawk a la ni mah mah...

Aizawl traffic police te chhinchhiah danin, Aizawl khawpui hi mihring 4,40,000 vel chenna a ni a, chumi chhungah chuan lirthei 2,30,000 chuang awmin, chung zinga za a 70 zet chu two wheeler a ni.

Aizawl district-ah thlatin lirthei 1,900 vel register thar ziah a ni bawk.

Tun dinhmuna public transport vehicle awm zat chu, City Bus 260, Line Bus 33, LMV Taxi 3,853, Two Wheeler Taxi 3,272 a ni. Aizawl khawpui chhunga nitin a lirthei che vel zat chhinchhiah theih chin chu 70,000 atanga 85,000 vel zet a tling.

Lirthei intlanchhawk vangin lirthei thahnemtak nitin an la ding zawk a, intlanchhawk hi tihtawp ni ta se Aizawl khawpui a traffic jam hi tun ai hian a nasa hle tura ngaih a ni.

Hetihlai hian intlanchhawk vangin lirthei a pung chak sawt nia ngai pawh mi tam tak an awm ve bawk. Intlanchhawk hi hlih ni ta se kan dinhmun dik tak a chiang leh zualin a rinawm.