ZALEN Oct. 23, 2024; MCVU ten nawrh an huaihawt avangin, Aizawl-ah chuan tukin atang khan MST bus an service.

Oil man tihhniam phut a Mizoram Commercial Vehicle Union (MCVU) huaihawta nawrh kalpui a nih avangin, Aizawlah chuan City bus te an ding a, hemi avang hian sawrkarin MST bus 14 tlan turin a ruahman.

Tukin zing lam boruak ZALEN in a hmuh danin, MST bus bakah department bus thenkhat hi a tam tawk theih loh avangin City bus stand hrang hrangah bus chang an thahnem thei viau a, hetihlai hian taxi lam a pangngaia an service avangin mipui veivahna lamah harsatna lian lutuk erawh a thlen a rinawm loh. Hetihlai hian Maxi Cab te an tlan loh avangin, zin veivak turte erawhin harsatna an tawh a rinawm.

Tarlan tawh angin, MCVU nawrh huaihawt hi tukin dar 6 atang khan an tan a, vawiin tlai dar 6 thleng a awh ang.