ZALEN September 6, 2023 : Vawiin khan Central YMA Hall, Tuikhuahtlang-a Mizoram All NGO Coordination Committee hruaitute leh Manipur-a Zohnahthlak hnam hrang hrang leh pawl hrang hrang hruaitute chuan inkawm ho na an nei a, inkawmhona hunah hian mi 150 vel an tel a ni.

Zohnahthlak Hnam hrang hrangte inpumkhatna tha tak a awm theih nana inrawnkhawmna hun hman hi All NGO CC chairman, R. Lalngheta, Central YMA President chuan a kaihruai a, MUP Finance Secretary, Rev. K. Darsailova'n hunserh a hmang a, pawl hrang hrang hruaituten in unauna tha tak a awm theih nan an ngaihdan leh duh dan te leh an kal dan tur nia an hriatte an sawi ho a. Boruak tha tak hring chhuak ngei se an duh thu an sawi bakah ngun zawka la rel leh ni se an ti bawk.