Aizawl January 18, 2023: Chief Minister Zoramthanga chu a chenna bungalow ah vawiin khan 24 Sector Assam Rifles Commander thar Brigadier Girish Upadhyay SM, VSM chuan a hmu a. Assam Rifles chu an hmun thar Zokhawsanga a hma thei ang bera insawn tura a duh thu leh hemi atana hma la tura a duh thu CM hian a lo hrilh.

Brig. Girish Upadhyay chuan Mizorama awm thar a nih angin Mizo mipuite nen inlaichinna tha tak neih a duh thu a sawi. Assam Rifles chu Home Ministry thu angin insawn tur tho a nih thu te, a rang thei ang bera insawn fel theih nan leh, tuna an hmun chhuahsan tura Laldenga Centre leh project dang te a hma thei ang bera hmalak a nih theih nan theihtawp a lo chhuah tur thu a sawi a. Chief Minister in a theih chinah theihtawp a chhuah angin ani pawhin an hotute bulah theihtawpa a lo nawr tur thu a hrilh. Chief Minister pawhin thawhhona tha tak an neih ho zel a beisei thu a hrilh bawk.

Brig. Girish Upadhyay hian Brig. Digvijay Singh a rawn thlak a ni.