DOWNLOAD OUR APP

Read latest news on your phone
app-store
Amber Heard-i chungchang i la hriat loh 10
Jun 14, 2022

Tun hnai lawkah a pasal hlui Johnny Depp nen nasa takin court-ah an inkhing a, Amber Heard hian thiam chang lo zawkin US dollar maktaduai 10 zet chawi tura tih a ni nghe nghe. Tun hnaiah a rawn lar thar hluai naa, kum 36 mi Aquaman star chhelo zet hi a chanchin hriat loh kan la nei nual maithei. 

Amber Heard-i chanchin, i la hriat ngai loh tur 10 kan han tarlang dawn a ni.

1. Amber Heard hi conservative Christian David leh Paige-i te inkarah 1986, April ni 22 khan Austin Texas-ah alo piang a, pianpui unau pakhat laizawn Whitney neiin a upa zawk a ni. 

2. Catholic chhungkaw strict tak hnuaia seilian a ni chungin, auto accident vanga a thian tha berin nunna a chan hnuah Pathian awm ringlo (atheist) a ni zui. 

3. Kum 18 a nihin modelling lam a luhchilh tan a, kum khat chhung zet a inthehtilh hnuah music video pahnih – There Goes My Life-Kenney Chesney leh I Wasn't Prepared-Eisley hlaah te a inlan a, he music video pahnih hi showbiz lama a career bul tanna bul a tih theih awm e. 

4. Modelling lam a tihchho hnu hian TV lamah a inlan chho ve leh a, Jack & Bobby, Friday Night Lights leh Californication-ah te a chang chho ve leh zak zak.

5. Heard hian TV starring nih ringawt chu duhtawk lovin movie lama chan chho zai a rel a, a hmasa ber turin Pineapple Express-ah a inlan. Zombieland, Magic Mike XXL leh The Rum Diary (2011) ah te a chang chho leh. Hemi tum hian a pasal then tak Johnny Depp chu co-star niin a tum khan nan an inhmel hriat nghe nghe. 

6. Kum 2010 khan mipui hmaah Heard hian bisexual a nih thu a puang a, Depp-a nen an inngaihzawn hma hian Heard hi hmeichhe photographer Tasya Van Ree nen an inkawp reng thin. Hetih hunlai hian Heard chuan,"Mi min hmuh dan leh sawi danah ka buai peih vel lo, kei chu mihring intluktlanna atan a thawh zel ka duh a, tunah chuan mi tam zawkin an pawm tawh bawkin ka hria," tiin mahni anpui khawp thin te chungchanga a ngaihdan chu kum 2015 khan a lo puang chhuak riap tawh. 

7. Heard hian milar a lo kawp ve nual tawh a, chung zingah chuan hmeichhe model Cara Delevingne te, khawvel pa hausa ber billionaire Elon Musk leh art dealer Vito Schnabel te an tel nghe nghe. 

8. Sap tawng bakah hian Spanish tawng a thiam nal hle a, tin Heard hian American Sign Language (ASL) a thiam em em bawk. ASL a thiam chhan ber nia lang chu, a naupang laiin bengngawng thian a neih thin vang a ni. Rihriatna lama harsatna nei tana pawl din tan beng dar te a pe ve zak zak tawh thin a ni. "Ka thian bengngawng te kara khawsak kha nuam a ka ti thin em em a ni," tiin a nun hlui chanchin a sawi.  

9. Actress lar a nih hnu hian sakawr chungchuan te, tlang lawn te, tui hleuih te, diving te, golf khelh te leh car khalh te nuam a ti em em a, Heard hian a garage-ah 1968 Mustang leh 1967 Mercedes 250SL te pawh a hung ve ran a ni.

10. Heard hian fanu kum khat mi Oonagh Paige Heard a nei a, a fanu hi nikum April ni 8 khan surrogate (mipa leh hmeichhe chi chawhpawlhin hmeichhe dang a pai tir) hmangin a piang a ni. A fanu pian thu hi Instagram lamah puangzarin,“Kum li kalta khan, fa nei tur hian thutlukna ka siam tawh a ni, mahse keiman pai lovin inremsiamna hmanga neih mai hi ka duh dan a ni bawk," a ti a, a fanu pa erawh tunge a nih a sawi lang duh lo thung.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh