ZALEN September 13, 2026 : Rel hmanga Mizoram kalpawhna kawng chu Assam ram chhung, Jamira hmunah lei tlahniam vanga a chhiat avangin rel service tihtawp mek a ni a. Railways thuneitute chuan kawng siam that hna hi chak taka thawh mek a ni tih sawiin naktuk, Thawhtanni atang chuan rel service-tir leh theih beisei a ni tih an sawi.

Katakhal-Bairabi section chhunga Jamira, Assam leh Bairabi inkara rel kawng chu September 3, 2026 zan khan lei tlahniam avangin a chhia a, rel kawng chhia zawh ngam rih loh hi meter 50 vela thui a ni.

Rel service tihtawp a nih avang hian mi tam takin harsatna an tawk a. Phai lam atanga Mizoram kal tura rel ticket lo la tawh te chu a theih chen chen lo kalin Assam atangin maxi cab leh lirthei remchang hmangin Mizoram an pan thin nia thudawn a ni.