ZALEN Aug. 20, 2024; Nizan dar 11:30 khan Saitual District Hospital Ambulance Driver, Rodinngheta'n Aizawl Civil Hospital-a nau nei tura phurh thlak chu Tuirial Airfield peng bul an thlenin nau a chhar.

Rodinngheta hi Saitual Dawrvenga cheng a ni a, nu pakhat nau nei turin Tualbung aṭangin nimin tlai khan District Hospital Saitual an pan a, District Hospital-a nau nei tura ruahman ni mahse, nau tuibawma tui a tlem avang leh naute a no lutuk dawn avangin enkawlna lamah damdawiina thuneituten hmunpui lama refer tha zawkin an hria a.

Nizan khan Saitual aṭangin Aizawl Civil Hospital-a nau nei turin Rodinngheta hian a phur thla a, Tuirial Airfield peng bul an thlenin nau hi a chhar ta a ni.

Hetia chawpchilh taka nau chhar a nih hnu hian Aizawl Civil Hospital panpui nghal a ni a, Doctor-te'n naute leh a nu hi an ṭha niin an sawi a, naute hi hmeichhia niin an fa pakhatna a ni.