Aizawl: MNF Vice President Dr.R.Lalthangliana chuan, “Eptu party-ten AMC-ah direct funding an tih fo hi a theih tak tak loh a ni,” a ti.

Nimin khan Bethlehem Vengthlang kawnah MNYF Headquarters huaihawtin Street Campaign neih a ni a, he hunah hian thu sawiin Dr. Thangtea chuan, “AMC hi MNF din leh fahrin a ni tih hi sawi nawn leh ka duh a. Tunah chuan State-ah MNF kan sorkar tawh a, khawpui tihhmasawn duh leh a tihhmasawn dan tur hria State-ah MNF a sorkar ve ta a. AMC-ah pawh Ruling MNF Candidate-te ngei kan tihtlin a ngai a, MNF Candidate-te hi kan tihtlin chuan kan Ward theuhah hmasawnna a rawn lut tup tup mai dawn a ni,” tiin, “Eptu Party-ten AMC-ah ‘Direct Funding’ an tih fo hi a theih tak tak loh a, State sorkar kaltlanga tih a ngai zel a ni,” a ti bawk.