Aizawl: MPCC Treasurer Zodintluanga chuan, AMC-ah an sawrkar chuan mipui phurrit lo zawnga bawhhlawh dan siam that a tiam.

Nimin zing khan Tlangnuam kawnah Congress party-in Aizawl Municipal Corporation (AMC) Ward 19-a an candidate, Vandingliani chuan free wifi a hawng a. Programme tawi hi Congress Treasurer Zodintluanga, MLA, John Siamkunga, ex-MLA leh Dr. Lalmalsawma Nghaka, President, MPYCC ten an hmanpui a ni.

Zodintluanga chuan thu sawiin, “AMC sawrkarin mipuite tana harsatna tam tak an siam hi siam tha turin Congress kan sawrkar a ngai a. Tih tur tam tak kan nei a, bawlhhlawh paih dan harsa lutuk hi kan ngai pawimawh ber zinga mi a ni a, kan candidate hi in thlan tlin chuan kar khat chhungin bawlhhlawh paih dan awlsam kan siam dawn a ni,” a ti.

Zodintluanga chuan, “Kan sawrkar hrawn mek hi financial management-ah a hlawhchham a, kan sawrkar laia cheng vaibelchhe tam tak kan hnutchhiah kha khawnge an hman, sawrkar hnathawk hlawh bat leh central scheme hnuaia thawkte hlawh thla tam tak pek theih loh te hi kan dinhmun a ni,” a ti bawk.