ZALEN March 19, 2025 : Aizawl Municipal Corporation hruaitute chuan Treasury bazar-a thu thinte tan AMC Multi Complex, Tuikual South-ah an tan hmun a awm an ti a, kum khat chhung seat luah man pawh awl an tum thu an sawi.

AMC Mayor Lalrinenga Sailo chuan AMC Multi Complex chu Treasury bazar-a thute tan chuan dil buai ve pawh ngai lo a ti a, an hmunah hian anni bakah mi dang pawh engemaw zat len theihna a ni a ti. AMC Multi Complex-ah hian dawr engemawzat awm bawkin heng te hi tender hmangin chhan vek tawh a nih thu a sawi.

Mayor chuan Treasury bazar-a thute tan an inhuam thu sawiin, an thut tan kum khat chhung hian an thut man mai bakah electric bill leh tui bill pawh an chawi a ngai dawn lo a ni a ti a, Inrinni bika Tennis court leh a chhehvela thu thinte pawh AMC Multi Complex-ah hian an tan hmun a awm tih a sawi bawk.

AMC chuan Treasury bazar-a thute nen hian inremna pawh 9/12/2016 khan an ziah tawh thu an sawi bawk.