ZALEN May 6, 2025 : April 25, 2025 (Zirtawpni) zan khan AMC Bazar (AMC Multi Complex), Tuikual South-a Aizawl Municipal Corporation (AMC) Staff duty Robert Lalremruata, JE chu Benjamin C. Lalruatsanga s/o C. Lalpartlana (Delta Sound), Tuikual South a mi chuan scooty-in a su a, tihluih niin a thawhpui te chuan an ngai.

Aizawl Municipal Corporation Employees' Association (AMCEA) chuan he thil thleng hi CCTV footage atanga hmuh dan chuan tih palh ni lovin, tih luih/sut luih ngei niin a lang a ni. Robert Lalremruata hi Civil Hospital Casualty pan pui nghal a ni a, X-ray leh CT Scan-te tiin, vanneihthlak takin hliamna lutuk a nei lo hlauh a ni.

Aizawl Municipal Corporation Employees' Association (AMCEA) chuan hetianga an thawhpui Official duty lai sut luih a ni hi pawi an ti a. "Pawi khawihtu hi kan dem tak zet a ni. Tun hņuah hetiang thil hi thleng tawh lo se tih hi AMCEA duh dan a ni," an ti.