ZALEN, Aug. 30, 2026: Mizoram Labour Link LPS Pro Fight-a tel turin boxer 250 chuangin hming an pe tawh a, an zingah hian Mizorama raltlana awm mek bakah Myanmar leh Mizoram thenawm state-a mite pawh an tel.

Pro Fight vawi 12-naa tel tum tan Thawhtanni thleng lehkha theh luh theih a ni a, Zirtawpni tlai thlenga theh lut tawh boxer 254 zingah state dang leh ram dang atanga hming pe lut an awm.

Mizorama raltlan, Sate, Chin State boxer bakah ram dang, Myanmar atanga theh lut an awm a; Manipur atangin Lamka leh Gangpimual atangin hming pe awm tawhin Shillong, Meghalaya atangin lehkha theh lut an awm bawk.

September 8 atangin Pro Fight vawi 12-na hi LPS Arena, Falkland, Aizawlah khelh tan tur a ni a. Tel tum tan LPS Office, Zarkawt leh DoZoMA dawr, Canteen kual, Dawrpui, Aizawlah form laka thehluh theih a ni.

Pro Fight atan referee leh judge 12 koh an ni a, an zinga mi, Malsawmsanga leh George Lalsangzela chu Hyderabad-ah an fehchhuak a. Indian Boxing Council-in Inrinni tlai dar 5 atangin professional boxing a buatsaih dawn a, hetah hian referee leh judge hna an thawk dawn a, Pro Fight inpuahchahna a ni nghal ang.